Главная » Файлы » Мои файлы |
15.04.2018, 10:33 | |
Дœ бонтœ хорз зынаргъ Фыдыбœстœйы Стыр Хœсты Уалахиздзау! Фыссы дœм Бирœгъзœнджы скъолайы 8 къласы ахуырдзау Цихиты Кœринœ. Æрхœццœ кœны Стыр Уœлахизы 70 –œм азы бон. Уыцы бœрœгбонмœ цœттœ кœны œнœхъœн Уœрœсе дœр. Мах скъолайы дœр аразынц алы мадзœлттœ , цœмœй кадджын уавœрты сбœрœг кœной œппœты сœйрагдœр бœрœгбон – Уœлахизы бон! Мœн фœнды дœуœн стыр арфœ ракœнын мœ сыбыр œнœмœт сабидуджы тыххœй. Мœ амондджын цард мœ бинонты къорды астœу , мœ сœрмœ цъœх арв, мœ фарсмœ мœ бирœ хœлœрттœ, œмгœрттœ- уыдон œппœт сты дœу œмœ дœу хуызœн хœстонты тугœй алхœд! Æз хœсты замантœ федтон кинонывты, хъуыстон сœ кой радиойœ, кастœн сœ газетты, чингуыты . Цард œмœ мœлœты хсœн хъазуатон тох цыд œппœт Уœрœсейаг адœмтœн немыцаг фашистты ныхмœ. Уœ фидар удыхъœдœй , уœ ныфс , уœ хъару œмœ тыхœй сымах ссыгъдœг кодтат зœххы къори œнаккаг фашизмœй! Нœу рох уе стыр Уœлахиз. Ничи ферох, ницы ферох. Мах , уœ кœстœр фœлтœр, никуы бауадздзыстœм бамынœг кœнын уœ сœрибар œмœ уœлахиз хœссœг ном. Нœ бауадздзыстœм ахуыссын œфсымœрон ингœнты арт. Рœзгœ фœлтœры номœй зœгъын стыр бузныг сымахœн , нœ ирвœзынгœнджытœн, нœ сœрибарœрхœсджытœн! Мœ сœрœй уын ныллœг кувын œмœ фидарœй зœгъын : Фыдыбœстœйы сœраппонд мœ цард раттын куы бахъœуа- нœ бамбœхсдзынœн , сымахау œнœвгъауœй цœттœ дœн мœ Райгуырœн бœстœйœн мœ сœр нывондœн œрхœссынмœ. Стыр уарзон œмœ зœрдиаг салœмттимœ Хœсты Уœлахиздзаумœ Цихиты Кœринœ | |
Просмотров: 399 | Загрузок: 0 | |
Всего комментариев: 0 | |